മനാമ : പ്രതിഭ ഇരുപത്തിയൊമ്പതാം കേന്ദ്ര സമ്മേളനത്തിന് മുമ്പായി വനിതാ വേദി വാർഷിക സമ്മേളനം നവംബർ 30 നും, കേന്ദ്ര സമ്മേളന പരിപാടിയുടെ അനുബന്ധമായി തികച്ചും സ്ത്രീകളുടെ നേതൃത്വത്തിൽ അരങ്ങേറുന്ന പെണ്ണരങ്ങ് ഡിസംബർ ഒന്നിനും പ്രശസ്ത എഴുത്തുകാരിയും വിവേകാനന്ദ കോളേജ് അധ്യാപികയുമായ ദീപ നിശാന്ത് ഉത്ഘാടനം ചെയ്യും. യോഗത്തിൽ വനിത വേദി സെക്രട്ടറി റീഗ പ്രദീപ് സ്വാഗതം പറഞ്ഞു. പ്രതിഭ വൈസ് പ്രസിഡണ്ട് സിൽജ സതീഷ് അദ്ധ്യക്ഷയായിരുന്നു. സംഘാടക സമിതി യോഗം പ്രതിഭ രക്ഷാധികാരി സമിതി അംഗം ഷീബ രാജീവൻ ഉദ്ഘാടനം ചെയ്തു. സമ്മേളന ചെയർമാനും മുഖ്യരക്ഷാധികാരിയുമായ പി.ശ്രീജിത്,സമ്മേളന ജനറൽ കൺവീനർ-ഷെറീഫ് കോഴിക്കോട്,പ്രതിഭാ ജനറൽ സെക്രട്ടറി- പ്രദീപ് പതേരി, പ്രതിഭ പ്രസിഡണ്ട് അഡ്വക്കേറ്റ് ജോയ് വെട്ടിയാടാൻ, വനിതാ വേദി മുൻ സെക്രട്ടറി ബിന്ദു റാം, വനിതാ വേദി മുൻപ്രസിഡന്റ് നിഷ സതീഷ്, കേന്ദ്ര കമ്മിറ്റി അംഗം സരിത കുമാർ,വനിതാ വേദി പ്രസിഡന്റ് സജിഷ പ്രജിത്ത് എന്നിവർ ആശംസകൾ നേർന്നു. പെണ്ണരങ്ങ് ബഹ്റൈനിലെ സ്ത്രീകൾ മാത്രം ഒരുക്കുന്ന പരിപാടിയായി വിജയിപ്പിക്കുന്നതിനായി ഡോ: ശിവ കീർത്തി രവീന്ദ്രൻ കൺവീനറായും, സുജിത രാജൻ, ഷീല ശശി എന്നിവർ ജോയിന്റ് കൺവീനർമാരായ എഴുപത്തിഅഞ്ച് അംഗ സംഘാടക സമിതി നിലവിൽ വന്നു. പെണ്ണരങ്ങ് പോസ്റ്റർ പ്രകാശനം പ്രതിഭ കേന്ദ്ര സമ്മേളന ജനറൽ കൺവീനർ ഷെരീഫ് കോഴിക്കോട് പെണ്ണരങ്ങ് കൺവീനർ ഡോ: ശിവകീർത്തി രവീന്ദ്രന് നൽകിയും വനിതാ വേദി സമ്മേളന ലോഗോ പ്രകാശനം ജനറൽ സെക്രട്ടറി പ്രദീപ് പതേരി വനിത വേദി സെക്രട്ടറി റീഗ പ്രദീപിന് നൽകിയും നിർവ്വഹിച്ചു. വനിത വേദി ട്രഷറർ സൗമ്യ പ്രദീപ് നന്ദി പ്രകാശിപ്പിച്ചു.
