ഒമാൻ:എസ്.എൻ.ഡി പി യൂണിയൻ ഒമാൻ ബോഷറിലെ കോളേജ് ഓഫ് ബാങ്കിങ് ആൻഡ് ഫിനാൻസിലെ ഒമാൻ ഹാളിൽ സംഘടിപ്പിക്കുന്ന വാർഷികാഘോഷ പരിപാടികളിൽ യോഗം ജനറൽ സെക്രട്ടറി വെള്ളാപ്പള്ളി നടേശൻ , പ്രീതി നടേശൻ , യോഗം വൈസ് പ്രസിഡണ്ട് തുഷാർ വെള്ളാപ്പള്ളി എന്നിവർ മുഖ്യാതിഥികളായി പങ്കെടുക്കുമെന്ന് ഭാരവാഹികൾ അറിയിച്ചു.ഡിസംബർ ഒന്നിന് രാവിലെ ഒൻപത് മണിമുതൽ വൈകുന്നേരം ആറ് മണിവരെ നടക്കുന്ന പരിപാടിയിൽ ആയിരത്തി അഞ്ഞൂറിലേറെ പേർ പങ്കെടുക്കും.സിനിമാ -സീരിയൽ താരങ്ങളായ നോബി, സൗമ്യ പിള്ള ,സതീഷ് ,സുമി എന്നിവർ അവതരിപ്പിക്കുന്ന കലാവിരുന്നും പരിപാടിക്ക് മാറ്റുകൂട്ടും. വർഷങ്ങളായി ഒമാനിൽ പ്രവർത്തിക്കുന്ന എസ്.എൻ . ഡി പി യൂണിയൻ ഘടകത്തിന് ഇരുപത്തിയാറു യൂണിറ്റുകളിലായി മൂവായിരത്തിലേറെ അംഗങ്ങൾ ഉണ്ട്.ചെയർമാൻ എൽ.രാജേന്ദ്രൻ , കൺവീനർ രാജേഷ് , കമ്മിറ്റി അംഗങ്ങളായ വസന്തകുമാർ ടി.എസ് ,ഹർഷകുമാർ , മുരളീധരൻ, രവീന്ദ്ര ,ബാബു എന്നിവർ പത്രസമ്മേളനത്തിൽ പങ്കെടുത്തു.
