ബഹ്‌റൈൻ: കേരളീയ സമാജം ഫിലിം ക്ലബ്ബിന്റെ ആഭിമുഖ്യത്തിൽ നടത്തുന്ന ഹൃസ്വ ചലച്ചിത്ര മേള BKSSF ന്റെ രജിസ്ട്രേഷൻ തീയതി നീട്ടി .പുതിയതായി നിർമ്മിക്കുന്ന അഞ്ച് മിനുട്ട് വരെ ദൈർഘ്യമുള്ള ചിത്രങ്ങളായിരിക്കും മത്സരത്തിലേക്ക് പരിഗണിക്കുക. ചലച്ചിത്ര മേഖലയിലെ പ്രശസ്തരടങ്ങുന്ന ജൂറി മികച്ച ചിത്രം, രചന, സംവിധാനം, ഛായഗ്രഹണം, നടൻ, നടി തുടങ്ങി വിവിധമത്സര വിഭാഗത്തിൽ വിധി നിർണയം നടത്തും. ബഹ്‌റൈൻ കേരളീയ സമാജം ഡയമണ്ട് ജൂബിലി ഹാളിൽ വെച്ചു നടക്കുന്ന അവാർഡ് നിശയിൽ വെച്ച് മത്സര വിജയികൾക്ക് ആകർഷകമായ സമ്മാനവും ഫലകവും പ്രശസ്തി പത്രവും നൽകുമെന്ന് സംഘാടകർ അറിയിച്ചു. എൻട്രികൾ ലഭിക്കേണ്ട പുതുക്കിയ അവസാന തീയതി ജനുവരി 6 ആണ്,കൂടുതൽ വിവരങ്ങൾക്ക് താഴെ കൊടുത്തിരിക്കുന്ന നമ്പറുകളിൽ ബന്ധപ്പെടാവുന്നതാണ്. 39918997, 34020650, 3972 0030.
