ബഹ്‌റൈൻ : ഇന്ത്യക്കു പുറത്തെ ആദ്യ കോൺഗ്രസ് അനുഭാവ യുവജന സംഘടനയായ ഇന്ത്യൻ യൂത്ത് കൾച്ചറൽ കോൺഗ്രസ് ( ഐ വൈ സി സി) എല്ലാവർഷവും നടത്തി വരാറുള്ള യൂത്ത് ഫെസ്റ്റ് മാർച്ച് 8 ന് , വൈകിട്ട് 6 മണിക്ക് ഇന്ത്യൻ ക്ലബ്ബിൽ വച്ച് നടക്കുമെന്ന് ഐ വൈ സി സി ഭാരവാഹികൾ വാര്ത്താ സമ്മേളനത്തിൽ അറിയിച്ചു . സാംസ്‌കാരിക പരുപാടികളോടൊപ്പം ദീപ ശിഖ സ്വീകരണവും ചടങ്ങിൽ നടക്കും ഇതോടൊപ്പം പ്രശസ്ത ഗായകൻ സജീർ കൊപ്പം നയിക്കുന്ന ഗാനമേളയും അരങ്ങേറും . പരുപാടിയിൽ കോൺഗ്രസ് , യൂത്ത് കോൺഗ്രസ് സംസ്ഥാന , ദേശിയ നേതാക്കൾ പങ്കെടുക്കും . കൂടാതെ പ്രവാസ ലോകത്തെ തിരഞ്ഞെടുക്കപ്പെട്ട കലാകാരൻമാർ അവതരിപ്പിക്കുന്ന കലാപരിപാടികളും നടക്കുമെന്നും സംഘാടകർ അറിയിച്ചു . പത്തുവർഷം മുൻപ് ബഹ്‌റിനിൽ രൂപീകൃതമായ യുവജന സംഘടന സാമൂഹിക സാംസ്‌കാരിക ആതുര സേവന രംഗത്തെ നിരവധി പ്രവർത്തനങ്ങളെ മുൻനിർത്തി ശുഹബ്‌ പ്രവാസി മിത്ര പുരസ്‌കാര സമർപ്പണവും ചടങ്ങിൽ നടക്കും . പ്രസിഡന്റ് ഫാസിൽ വട്ടോളി, യൂത്ത് ഫെസ്റ്റ് ചെയർമാൻ വിൻസു കൂത്തപ്പള്ളി,ട്രഷറർ നിധീഷ് ചന്ദ്രൻ, ജോയിന്റ് സെക്രട്ടറി ഷിബിൻ തോമസ്, മീഡിയ കൺവീനർ ബേസിൽ നെല്ലിമറ്റം, യൂത്ത് ഫെസ്റ്റ് ഫിനാൻസ് കൺവീനർ മുഹമ്മദ്‌ ജസീൽ, മാഗസിൻ എഡിറ്റർ ജിതിൻ പരിയാരം, പ്രോഗ്രാം കമ്മറ്റി കൺവീനർ ഹരി ഭാസ്കർ, റിസപ്ഷൻ കമ്മറ്റി കൺവീനർ ഷംഷാദ് കക്കൂർ, ചാരിറ്റി വിംഗ് കൺവീനർ അനസ് റഹീം എന്നിവർ വാർത്താ സമ്മേളനത്തിൽ പങ്കെടുത്തു
