ബഹ്‌റൈൻ: ഒത്തൊരുമയുടെയും സാഹോദര്യത്തിന്റെയും സന്ദേശം വിളിച്ചോതി ആഗോള പ്രവാസി കൂട്ടായ്മയായ ഇടപ്പാളയം ബഹറിൻ ചാപ്റ്ററിന്റെ ഇഫ്താർ സംഗമം ശ്രദ്ധേയമായി.ഹൂറ ചാരിറ്റി ഹാളിൽ ആതിഥ്യമേകിയ പരിപാടിയിൽ ബഹ്‌റൈൻ കേരളീയ സമാജം ട്രഷറർ ശ്രീ: ദേവദാസ് കുന്നത്ത് മുഖ്യാതിഥിയായി. ഇടപ്പാളയം ബഹ്‌റൈൻ ചാപ്റ്റർ പ്രസിഡന്റ് ശ്രീ ഫൈസൽ ആനോടിയിൽ അധ്യക്ഷത വഹിച്ചു. ജനറൽ സെക്രട്ടറി ശ്രീ: ഷാഹുൽ കാലടി സ്വാഗതം പറഞ്ഞു. ഇടപ്പാളയം രക്ഷാധികാരിയും ഇന്ത്യൻ സ്കൂൾ മുൻ എക്സിക്യൂട്ടീവ് അംഗവുമായ ശ്രീ: രാജേഷ് നമ്പ്യാർ റമദാൻ ആശംസകൾ നേർന്നു.തുടർന്ന് പ്രോഗ്രാം കോഡിനേറ്റർ ശ്രീ: രതീഷ് സുകുമാരൻ നന്ദി രേഖപ്പെടുത്തി.പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന മുൻ വൈസ് പ്രസിഡന്റ് ശ്രീമതി: ദീപ സതീശൻ, ശ്രീ. സതീശൻ എന്നിവരെ മെമെന്റോ നൽകി ആദരിച്ചു. അംഗങ്ങളുടെ നിറ സാന്നിധ്യത്താൽ അലങ്കൃതമായ സായാഹ്നം, ഒത്തൊരുമയുടെയും സാഹോദര്യത്തിന്റെയും മഹത്തായ സന്ദേശമാണ് നൽകുന്നതെന്ന് കമ്മിറ്റി ചൂണ്ടിക്കാട്ടി.
