ബഹ്റൈൻ : പ്രവാസി ലീഗൽ സെൽ ബഹ്റൈൻ ചാപ്റ്റർ, പ്രവാസികൾ അനുഭവിച്ച അനുഭവങ്ങളുടെ വൈവിധ്യമാർന്ന വിവരണങ്ങളും യാത്രകളും പ്രദർശിപ്പിക്കാൻ ലക്ഷ്യമിട്ടുള്ള ആകർഷകമായ ഷോർട്ട് ഫിലിം മത്സരമായ “എക്‌സ്‌പാറ്റ് ലെൻസ്” സംഘടിപ്പിക്കുന്നതായി സംഘടകർ അറിയിച്ചു . മത്സരത്തിൻ്റെ വിഷയം , “ജേർണിസ് ഓഫ് ബെലോംഗിംഗ്”, സ്വന്തം നാട്ടിൽ നിന്ന് വിദേശ നാട്ടിലേക്കു എത്തപ്പെടുന്ന വ്യക്തികൾ അഭിമുഖീകരിക്കുന്ന അനുഭവങ്ങൾ, വെല്ലുവിളികൾ, വിജയങ്ങൾ എന്നിവയെക്കുറിച്ച് അവരുടെ സവിശേഷമായ കാഴ്ചപ്പാടുകൾ പര്യവേക്ഷണം ചെയ്യാനും പ്രകടിപ്പിക്കാനും ചലച്ചിത്ര പ്രവർത്തകർക്ക് ഇതിലൂടെ അവസരം ലഭ്യമാക്കുന്നു . 5 മിനിറ്റ് വീഡിയോ ആണ് ദൈർഘ്യം, രജിസ്ട്രേഷൻ അവസാന തീയതി: ഏപ്രിൽ 5, 2024, സമർപ്പിക്കാനുള്ള അവസാന തീയതി: ഏപ്രിൽ 15, 2024. ഒന്നാം സമ്മാനം: $1000, രണ്ടാം സമ്മാനം: $500, മൂന്നാം സമ്മാനം വില : $250 നൽകും “ചലച്ചിത്ര നിർമ്മാതാക്കൾക്ക് അവരുടെ ശക്തമായ കഥകൾ പങ്കുവയ്ക്കാൻ ഒരു വേദിയൊരുക്കുന്ന എക്‌സ്‌പാറ്റ് ലെൻസ് സമാരംഭിക്കുന്നതിൽ കൂടുതൽ സന്തോഷമുണ്ടെന്ന് ,” പ്രവാസി ലീഗൽ സെൽ ബഹ്റൈൻ ചാപ്റ്റർ പ്രസിഡൻ്റ് സുധീർ തിരുനിലത്ത് പറഞ്ഞു. “ഈ മത്സരത്തിലൂടെ, പ്രവാസി സമൂഹത്തിനുള്ളിലെ അനുഭവങ്ങളുടെ സമ്പന്നമായ ദൃശ്യങ്ങൾ കാണുവാനും , കൂടുതൽ ധാരണയും ബന്ധവും വളർത്തിയെടുക്കാനും ഞങ്ങൾ ലക്ഷ്യമിടുന്നതായും അദ്ദേഹം പറഞ്ഞു . കൂടുതൽ വിവരങ്ങൾക്കും രജിസ്ട്രേഷനും പങ്കെടുക്കാൻ താൽപ്പര്യമുള്ളവർക്ക് താഴെ കാണുന്ന നമ്പറിൽ ബന്ധപ്പെടാം: രമൺ പ്രീത് / മിസ്. സുഷമ അനിൽ . ഫോൺ: 66685335 / 33052258.
