ഒമാൻ : മയക്കുമരുന്നുമായി രണ്ട് വിദേശികളെ ഒമാനില്‍ റോയൽ ഒമാൻ പൊലീസ് പിടികൂടി . വടക്കൻ ബാത്തിന ഗവർണറേറ്റിൽ നിന്നാണ് ഏഷ്യൻ രാജ്യക്കാരായ പ്രതികളെ അറസ്റ്റ് ചെയ്തത് . ഇവരുടെ കൈവശം ക്രിസ്റ്റൽ മെത്ത് കണ്ടെത്തി. വടക്കൻ ബാത്തിന ഗവർണറേറ്റ് പൊലീസിന്‍റെ നേതൃത്വത്തിലുള്ള നാർക്കോട്ടിക്‌സ് ആൻഡ് സൈക്കോട്രോപിക് സബ്‌സ്റ്റൻസ് കൺട്രോൾ ഡിപ്പാർട്ട്‌മെന്‍റാണ് പ്രതികളെ അറസ്റ്റ് ചെയ്തത്. ഇവര്‍ക്കെതിരായ നിയമനടപടികൾ പൂർത്തിയാക്കി വരുന്നതായി റോയൽ ഒമാൻ പൊലീസ് അറിയിച്ചു.
