മനാമ : ദക്ഷിണേന്ത്യയിലെ പ്രശസ്ത സിനിമാതാരം വിക്രം പങ്കെടുക്കുന്ന ഇന്ത്യൻ ഫിലിം സ്റ്റാർ ഷോ ബഹ്റിനിൽ വെച്ച് നടത്തുന്നു. ഫെഫ്ക്കാ എക്സിക്യുട്ടീവ് യൂണിയനും ഡെൽമൺ ആർട്ടിസ്റ്റികും ചേർന്ന് ഒക്ടോബർ അവസാന വാരം സംഘടിപ്പിക്കുന്ന ഈ മെഗാ ഷോയിൽ വിക്രമിനെ കൂടാതെ മലയാളത്തിലെ നിരവധി താരങ്ങളും പങ്കെടുക്കും . പരിപാടിയുടെ പ്രഖ്യാപനത്തിന് മാത്രമായി മലയാളത്തിലെ പ്രശസ്ത സംവിധായകരായ ലാൽ ജോസ്, രഞ്ജിത്ത്, നിർമ്മാതാവായ സെവൻ ആർട്ട്സ് മോഹൻ ഷിയാസ് പെരുന്പാവൂർ എന്നിവർ ഉടനെ ബഹ്റിനിൽ എത്തിച്ചേരുമെന്ന് ഇതിന്റെ പ്രധാന സംഘാടകനായ മനോജ് മയ്യന്നൂർ അറിയിച്ചു. പരിപാടിയുടെ വിശദ വിവരങ്ങളും തീയ്യതിയും പിന്നീട് അറിയിക്കുന്നതാണെന്ന് സംഘാടകർ വ്യക്തമാക്കി.
