ബഹ്റൈൻ : കോഴിക്കോട് ജില്ലയിലെ വടകര പുതുപ്പണത്തെ വെളുത്തമല നിവാസികളുടെ സംഘടനയായ വെളുത്തമല കൂട്ടായ്മയുടെ രണ്ടാം വാർഷിക സംഗമം കേരളപ്പിറവി ദിനമായ നവംബർ 1 ന് മനാമയിൽ വച്ച് നടന്നു . 2022 നവംബർ ഒന്നിന് രൂപീകരിക്കപ്പെട്ട ബഹ്റൈൻ വെളുത്ത മല കൂട്ടായ്മയുടെ രണ്ടാം വാർഷികം സംഘടിപ്പിച്ചു . പ്രസിഡണ്ട് : V.M. അബ്ദുൾ ഖാദറിൻ്റെ അദ്ധ്യക്ഷതയിൽ സെക്രട്ടറി വിൻസന്റിന്റെ സ്വാഗത പ്രഭാഷണത്തോടെ ആരംഭിച്ച സംഗമത്തിൽ നിരവധി പ്രദേശവാസികൾ പങ്കെടുത്തു. ഏറെക്കാലം പ്രവാസിയായിരുന്ന ഈ അടുത്തിടെ നമ്മെ വിട്ടുപിരിഞ്ഞ AV ഉസ്മാൻ ഹാജി (Tourist HoteI) എന്നവരെ അനുസ്മരിക്കുകയും കുടുംബത്തിന്റെ ദുഃഖത്തിൽ പങ്ക്ചേരുകയും ചെയ്തു. വർഷങ്ങളായി മനാമസൂക്കിൽ കച്ചവടം നടത്തി ഉപജീവനം കണ്ടെത്തിയിരുന്ന നിരവധി കച്ചവടക്കാർ , അവിചാരിതമായുണ്ടായ മനാമയിലെ തീപിടുത്തത്തിൽ എല്ലാം നഷ്ടപ്പെട്ടവരായി മാറി. അവരുടെ ദുഃഖത്തിൽ പങ്കു ചേർന്ന് യോഗം ഒരു മിനിറ്റ് മൗനാചരണം നടത്തി.പരിപാടിക്ക് അസീസ് മലയിൽ, ഉസ്മാൻ പി എം, സക്കീർ. എ. പി, അഷ്‌റഫ്‌ കെ. എം , റിയാസ് വി.എം,റഫീഖ് പുളിക്കുൽ, ഷുക്കൂർ മലയിൽ, റിയാസ് ഏറോത്ത് ശ്രീജിത്ത്‌ കുളത്തിൽ എന്നിവർ നേതൃത്വം നൽകി.ട്രഷറർ നല്ലാടത്ത് സതീശൻ സദസ്സിന് നന്ദി പറഞ്ഞു.
