ഒമാൻ : മറുനാട്ടിൽ മലയാളി അസോസിയേഷൻ (MNMA) ഒമാന്റെ നേതൃത്വത്തിൽ ഗാല അസൈബ ഗാർഡൻ ബിൽഡിംഗ്‌ മൾട്ടി പർപ്പസ് ഹാളിൽ കുടുംബസംഗമം നടത്തി.പ്രസിഡണ്ട് അനിൽകുമാറിന്റെ അധ്യക്ഷതയിൽ സെക്രട്ടറി ജയൻ ഹരിപ്പാട് എല്ലാവർക്കും സ്വാഗതം ആശംസിച്ചു . ഇൻഡ്യൻ സ്കൂൾ ഒമാൻ ബോർഡ് ഓഫ്‌ ഡയരക്ടർ പി.ടി.കെ. ഷമീർ, എൻ. എസ്. എസ്. പ്രസിഡണ്ട് സുകുമാരൻ നായർ, ഇൻഡ്യൻ സോഷ്യൽ ക്ലബ്ബ് ഒമാൻ മലയാളം വിംങ്ങ് കൺവീനർ അജിത് വാസുദേവൻ , ഇൻഡ്യൻ സോഷ്യൽ ക്ലബ്ബ് ഒമാൻ മലബാർ വിംങ്ങ് ജോയിൻ ട്രഷറർ അനീഷ് കടവിൽ, പ്രവാസി എഴുത്തുകാരനും സാമൂഹിക പ്രവർത്തകനുമായ രാജൻ വി കോക്കുരി, മലയാളം ഒമാൻ ചാപ്റ്റർ ജനറൽ സെക്രട്ടറി രതീഷ് പട്ടിയാത്ത്, തിരുവനന്തപുരം അസോസിയേഷൻ സെക്രട്ടറി സജു നായർ, ADO ചെയർമാൻ ഫിറോസ് ബഷീർ, കൊച്ചിൻ ഗോൾഡ് ജനറൽ മാനേജർ അഖിൽ, ഗ്ലോബൽ മണി എക്സ്ചേഞ്ച് ബസ്സിനസ് ഡെവലപ്പ്മെന്റ് ഓഫീസർ വിഷ്ണു ഗോപാൽ എന്നിവർ ആശംസാ പ്രസംഗം നടത്തി. അകാലത്തിൽ നമ്മെ വിട്ട് പിരിഞ്ഞ MNMA യുടെ മുൻ രക്ഷധികാരി ശ്രി ഫവാസ് കൊച്ചന്നൂരിന്റെ കുടുംബ ത്തിനുള്ള സഹായ നിധി ADO ചെയർമാൻ ശ്രി ഫിറോസ് ബഷീറിന് കൈമാറി. MNMA കുടുംബാംഗങ്ങളായ ബാബു, അമ്പിളി എന്നിവർക്കുള്ള സഹായ നിധിയും ചടങ്ങിൽ കൈമാറി. ഉപരി പഠനത്തിന് അർഹരായ MNMA കുടുംബാംഗങ്ങളുടെ കുട്ടികൾക്ക്‌ മൊമന്റോ നൽകി ആദരിച്ചു. ഗ്ലോബൽ മണി എക്സ്ചേഞ്ച്ബസ്സിനസ് ഡെവലപ്പ്മെന്റ് ഓഫീസർ വിഷ്ണു ഗോപാലിന്റെ നേതൃത്വത്തിൽ പ്രവാസി അംഗത്വ രജിസ്ട്രേഷനും നടത്തി.നൃത്താ ധ്യാപകൻ സേതു മാഷിന്റെ നൃത്തത്തിലൂടെ കലാപരിപാടികൾ ആരംഭിച്ചു.കുട്ടികളുടെയും മുതിർന്നവരുടെയും പാട്ടും ഡാൻസും മിമിക്രിയും ചടങ്ങ് ധന്യമാക്കി. ട്രഷറർ പിങ്കു അനിൽ കുമാർ നന്ദിയും, വൈസ് പ്രസിഡണ്ട് മനോഹരൻ ചെങ്ങളായി, ജോയിന്റ് ട്രഷറർ മനോജ് മേനോൻ മറ്റ് ഭരണ സമിതി അംഗങ്ങൾ പരിപാടികൾക്ക് നേതൃത്വം നൽകി.
