ദുബായ് : കഴിഞ്ഞ ദിവസം ഷാര്ജയില് തൂങ്ങിമരിച്ച നിലയില് കണ്ടെത്തിയ കൊല്ലം ചവറ തെക്കുംഭാഗം സ്വദേശി അതുല്യയുടെ മരണത്തില് ഷാര്ജ പൊലീസിലും പരാതി നല്കാനൊരുങ്ങി ബന്ധുക്കള്. ഇന്ത്യന് കോണ്സുലേറ്റ് വഴി ഇന്ന് തന്നെ സഹോദരി അഖില പരാതി നല്കും. അതുല്യ ബന്ധുക്കള്ക്ക് അയച്ച ദൃശ്യങ്ങളും പരാതിയ്ക്കൊപ്പം സമർപ്പിക്കും .ഭര്ത്താവായ സതീഷ് സ്ഥിരം മദ്യപിക്കുന്നയാളാണെന്നും അതുല്യയെ ദേഹോപദ്രവം ഏല്പ്പിക്കാറുണ്ടെന്നുമാണ് പരാതിയുടെ ഉള്ളടക്കം . ഭർത്താവിന്റെ ഉപദ്രവങ്ങളെക്കുറിച്ചു അതുല്യ സഹോദരിയോട് മുൻപ് പരാതിപ്പെട്ടിരുന്നു . സതീഷിനെതിരെ അതുല്യയുടെ മാതാവ് തെക്കുംഭാഗം പൊലീസിന് നല്കിയ പരാതിയില് കൊലക്കുറ്റത്തിന് കേസെടുത്താണ് അന്വേഷണം.
ഷാര്ജ ഇന്ത്യന് അസോസിയേഷനുമായി ഇന്നലെ കുടുംബം ചര്ച്ച നടത്തിയിരുന്നു. എന്നാൽ കൊലപാതകം എന്ന ആരോപണം നിഷേധിച്ച് സതീഷ് ഇന്നലെ രംഗത്തെത്തിയിരുന്നു. അതുല്യയുടെ ദുരൂഹമരണത്തില് അന്വേഷണം വേണമെന്ന് സതീഷും ആവിശ്യം ഉന്നയിക്കുന്നുണ്ട്
