മനാമ: അൽ മന്നാഇ കമ്മ്യൂണിറ്റീസ് അവേർനെസ് സെന്റർ മലയാള വിഭാഗം ഭാവിയിൽ നടപ്പിലാക്കുന്ന തങ്ങളുടെ ദഅവ പ്രവർത്തനങ്ങൾ വിശദീകരിക്കാനായി യോഗം ചേർന്നു.റയ്യാൻ മദ്രസ്സയിൽ ചേർന്ന യോഗത്തിൽ ദഅവ വിങ്ങിന് കീഴിൽ വരും കാലയളവിൽ ബഹ്റൈനിലെ വ്യത്യസ്ത യൂണിറ്റുകളിൽ നടപ്പിൽ വരുത്താൻ ഉദ്ദേശിക്കുന്ന പ്രബോധന പ്രവർത്തനങ്ങൾ വിശദമായി ചർച്ച ചെയ്തു.ഷാഹിദ് തലാൽ ആമുഖ ഭക്ഷണം നിർവഹിച്ച ചടങ്ങിൽ ദഅവ വിംഗ് സെക്രട്ടറി കോയ ഈസാ ടൗൺ അധ്യക്ഷത വഹിച്ചു. സജ്ജാദ് ബിൻ അബ്ദുറസാഖ് വിഷയാവതരണവും ഫിനാൻസ് സെക്രട്ടറി ഹംസ അമേത്ത് അജണ്ടകളുടെ വിശദീകരണവും നടത്തി.തുടർന്ന് വസീം അഹ്മദ് അൽ ഹികമിയുടെ ഉൽബോധന പ്രഭാഷണം ഉണ്ടായിരുന്നു. ദീനിന്റെ പ്രബോധനം ഓരോ വിശ്വാസിയുടെയും കർത്തവ്യമാണെന്ന് അദ്ദേഹം സദസ്സിനെ ഓർമ്മിപ്പിച്ചു. സാദിഖ് ബിൻ യഹ്യ ആശംസകൾ അർപ്പിച്ചു സംസാരിച്ചു.ഓർഗനൈസിംഗ് സെക്രട്ടറി ബിനു ഇസ്മായിൽ നന്ദി പറഞ്ഞു.
