ബഹ്റൈൻ : കേരളീയ സമാജത്തിന്റെ ഈ വർഷത്തെ സാഹിത്യ പുരസ്കാരത്തിന് എഴുത്തുകാരനും സാംസ്കാരിക പ്രവർത്തകനുമായ പ്രഭാവർമ്മക്കു നൽകുമെന്ന് അധികൃതർ അറിയിച്ചു . അൻപതിനായിരം രൂപയും പ്രശസ്തിപത്രവും ഫലകവും അടങ്ങുന്ന പുരസ്കാരം ബഹ്റൈൻ കേരളീയ സമാജം ആസ്ഥാനത്തു വച്ച് ഈ വരുന്ന ഫെബ്രുവരി ഇരുപത്തിരണ്ട് വ്യാഴാഴ്ച രാത്രി എട്ട് മണിയ്ക്ക് നടക്കുന്ന ചടങ്ങിൽ പ്രശസ്ത എഴുത്തുകാരനും ചെറുകഥാകൃത്തുമായ ടി .പത്മനാഭൻ പ്രഭാവര്മയ്ക്കു സമ്മാനിയ്ക്കുമെന്ന് സമാജം അധികൃതർ അറിയിച്ചു , സമാജം പ്രസിഡൻറ് രാധാകൃഷ്ണപിള്ള ,ജനറൽ സെക്രട്ടറി വീരമണി എന്നിവർ വാർത്താസമ്മേളനത്തിൽ പങ്കെടുത്തു . ചടങ്ങിനോട് അനുബന്ധിച്ചു ടി .പത്മനാഭന്റെ കഥകളെ ആസ്പദമാക്കി പ്രശസ്ത മജീഷ്യൻ ഗോപിനാഥ് മുതുകാട് അവതരിപ്പിക്കുന്ന മാജിക് ഷോയും നടക്കുമെന്ന് അധികൃതർ അറിയിച്ചു
