ബംഗളൂരു: മലയാളി യുവതിയെ ബംഗളൂരുവിൽ ലിവ് ഇൻ പാർട്ണർ കുക്കർ കൊണ്ട് തലയ്ക്കടിച്ച് കൊലപ്പെടുത്തി . തിരുവനന്തപുരം സ്വദേശിനി ദേവ (24) യാണ് മരണപ്പെട്ടത്. ബംഗളൂരുവിലെ ബേഗൂരിന് അടുത്തുള്ള ന്യൂ മികോ ലേ ഔട്ടിൽ ഇന്നലെ രാത്രിയാണ് കൊലപാതകമുണ്ടായത്. യുവതിക്കൊപ്പം താമസിച്ചിരുന്ന കൊല്ലം സ്വദേശി വൈഷ്ണവിനെ (24) അറസ്റ്റ് ചെയ്തു. ബേഗൂർ പൊലീസ് കേസെടുത്ത് അന്വേഷണം തുടങ്ങി.പഠന കാലം മുതൽ പ്രണയത്തിലായിരുന്ന ഇവർ.മൂന്നുവർഷമായി ഒന്നിച്ചായിരുന്നു താമസം.ഇവർക്കിടയിൽ വാക്കുതർക്കമുണ്ടായതായും ബഹളം കേട്ടതായും അയൽവാസികൾ മൊഴി നൽകിയതായി പോലീസ് അറിയിച്ചു.
