കൊല്ലം: തേവലക്കരയിൽ ഒരാളെ വെട്ടിക്കൊന്നു. ഓണം ബമ്പർ ലോട്ടറി റിസൾട്ടുമായി ബന്ധപ്പെട്ടെ തർക്കമാണ് കൊലപാതകത്തിലേക്ക് നയിച്ചത്.മരം വെട്ട് തൊഴിലാളിയായ ദേവദാസാണ് മരിച്ചത്. ലോട്ടറി റിസൾട്ടുമായി ബന്ധപ്പെട്ടെ തർക്കത്തിനിടെ സുഹൃത്തായ അജിത്ത് ദേവദാസിനെ കയ്യിൽ വെട്ടുകയായിരുന്നു. പ്രതി അജിത്തിനെ തെക്കുംഭാഗം പോലീസ് കസ്റ്റഡിയിലെടുത്തു. ദേവദാസ് ലോട്ടറി ടിക്കറ്റെടുത്ത് അജിത്തിന് സൂക്ഷിക്കാൻ കൊടുത്തിരുന്നു. ഇരുവരും പണം പങ്കിട്ടായിരുന്നു ലോട്ടറി ടിക്കറ്റ് വാങ്ങിയിരുന്നത്. ലോട്ടറി നറുക്കെടുപ്പിന് മുമ്പ് തന്നെ ദേവദാസ് അജിത്തിനോട് ടിക്കറ്റ് ആവശ്യപ്പെട്ടിരുന്നു. ഈ സമയത്ത് ഇരുവരുെ മദ്യലഹരിയിലായിരുന്നു. വാക്കു തർക്കത്തിനിടെ അജിത്ത് ദേവദാസിന്റെ കൈയ്ക്ക് വെട്ടുകയായിരുന്നു. രക്തം വാർന്നാണ് ദേവദാസ് മരണപ്പെട്ടത്.
