സോഹാർ : സോഹാർ ടൗണിലെ കൈരളി കൂട്ടായ്മയുടെ നേതൃത്വത്തിൽ ഓണസദ്യയും ഈദ്- ഓണം ആഘോഷ പരിപാടികളും സെപ്തംബർ 29 ന് വെള്ളിയാഴ്ച്ച വിജയകരമായി ആഘോഷിച്ചു. രാവിലെ 11 മണിക്ക് പായസ മത്സരത്തോടെ ആരംഭിച്ച പരിപാടി രാത്രി 12 മണിക്ക് സമ്മാന ദാനത്തോടെ അവസാനിച്ചു.മുരളി സ്വാഗതം പറഞ്ഞ ഉദ്ഘാടന ചടങ്ങിൽ ശ്രീജേഷ് അദ്ധ്യക്ഷത വഹിച്ചു.സാമൂഹ്യ പ്രവർത്തകൻ കെ. ബാലകൃഷ്ണൻ ഉൽഘടനം നിർവഹിച്ചു. സൂരജ്, തമ്പാൻതളിപ്പറമ്പ തുടങ്ങിയവർ ആശംസകൾ അറിയിച്ചു. സംസാരിച്ചു, സാമൂഹ്യ പ്രവർത്തകനും പ്രഭാഷകനുമായ റോയ് മാഷ്, ബദർ അൽ സമ റീജ്യണൽ ഹെഡ്ഡ് മനോജ്‌കുമാർ, പ്രമുഖ എഴുത്തുകാരൻ കെ ആർ പി വള്ളിക്കുന്നം, ജനകീയ ഡോക്ടർ മാത്യു എന്നിവരെ ആദരിച്ചു. കൈരളി മെംബർ രാജേഷ് ഗോപാലകൃഷ്ണന് സ്നേഹോപഹാരം നൽകി.തുടർന്ന് നടന്ന ഓണ സദ്യയിൽ 550 തിൽ അധികം ആളുകൾ പങ്കെടത്തു. വൈകുന്നേരം സോഹാർ അടുത്തകാലത്ത് കണ്ട ഏറ്റവും വലിയ ജനപങ്കാളിത്ത പരിപാടിയായി മ്യൂസിക്കൽ ഫിയേസ്റ്റാ അരങ്ങേറി. സോഹാറിലെ മലയാളി സമൂഹം ഒഴുകിയെത്തിയ പരിപാടി മികച്ച നിലവാരം പുലർത്തി.സാമൂഹ്യ പ്രവർത്തകരായ തമ്പാൻ, മുരളി, ഹരികുമാർ, ശ്രീജേഷ്, ജിമ്മി സാമുവൽ, ലിൻസി സുഭാഷ് എന്നിവർ പരിപാടിക്ക് നേതൃത്വം നൽകി.
