പ്രധാനമന്ത്രി സൗദിയിൽ

റി​യാ​ദ്: ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മമോദി സൗ​ദി അ​റേ​ബ്യ​യി​ലെത്തിചേർന്നു.സ​ൽമാ​ൻ രാ​ജാ​വി​​ന്റെ ക്ഷ​ണം സ്വീ​ക​രി​ച്ചെ​ത്തു​ന്ന അ​ദ്ദേ​ഹം 24 മ​ണി​ക്കൂ​ർ​കൊ​ണ്ട് ഔ​ദ്യോ​ഗി​ക പ​രി​പാ​ടി​ക​ൾ പൂ​ർത്തി​യാ​ക്കി മ​ട​ങ്ങും. റി​യാ​ദി​ൽ ചൊ​വ്വാ​ഴ്ച (ഇന്ന് ) ആ​രം​ഭി​ക്കു​ന്ന മൂ​ന്നാ​മ​ത് ആ​ഗോ​ള നി​ക്ഷേ​പ​ക സം​ഗ​മ​മാ​യ‘ഫ്യൂ​ച്ച​ർ ഇ​ൻവെ​സ്​​റ്റ്​​മെന്റ് ​ഇ​നി​ഷ്യേ​റ്റീ​വ്’ സ​മ്മേ​ള​ന​ത്തി​ൽ മോദി മു​ഖ്യ​പ്ര​ഭാ​ഷ​ണം നി​ർവ​ഹിക്കും.അ​ദ്ദേ​ഹം സ​ൽമാ​ൻ രാ​ജാ​വു​മാ​യും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽമാ​നു​മാ​യും പ്ര​ത്യേ​ക കൂ​ടി​ക്കാ​ഴ്ച​ക​ൾ ന​ട​ത്തും. ഇ​ന്ത്യ​യി​ൽനി​ന്ന് ഉ​ന്ന​ത​ത​ല പ്ര​തി​നി​ധി സം​ഘ​വു​മാ​യെ​ത്തു​ന്ന അ​ദ്ദേ​ഹം വി​വി​ധ സൗ​ദി മ​ന്ത്രി​മാ​രും വ​കു​പ്പു​ദ്യോ​ഗ​സ്ഥ​രും പ​ങ്കെ​ടു​ക്കു​ന്ന യോ​ഗ​ത്തി​ലും സം​ബ​ന്ധി​ക്കും.

ഇന്ന് രാ​വി​ലെ മു​ത​ൽ ത​ന്നെ തി​ര​ക്കി​ട്ട പ​രി​പാ​ടി​ക​ളാ​ണ് പ്രധാന മന്ത്രിക്കുള്ളത്.രാ​വി​ലെ ഏ​താ​നും സൗ​ദി മ​ന്ത്രി​മാ​രു​മാ​യി കൂ​ടി​ക്കാ​ഴ്​​ച ന​ട​ത്തും.ഉ​ച്ച​ക്ക് സ​ൽമാ​ൻ രാ​ജാ​വൊ​രു​ക്കു​ന്ന വി​രു​ന്നി​ൽ പങ്കെടുക്കുന്ന അ​ദ്ദേ​ഹം ത​ന്ത്ര​പ്ര​ധാ​ന പ​ങ്കാ​ളി​ത്ത സ​മി​തി​യു​ടെ ഉ​ട​മ്പ​ടി ഒ​പ്പു​വെ​ക്കും.കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ് ബി​ൻ സ​ൽമാ​നു​മാ​യും പ്ര​ത്യേ​ക കൂ​ടി​ക്കാ​ഴ്ച ന​ട​ത്തു​ന്നു​ണ്ട്.ഉ​ച്ച​ക​ഴി​ഞ്ഞ് ആ​ഗോ​ള നി​ക്ഷേ​പ​ക സം​ഗ​മ​ത്തി​ന്റെ പ്ലീ​ന​റി സെ​ഷ​നെ അ​ഭി​സം​ബോ​ധ​ന ചെയ്യും. ഫ​ല​ത്തി​ൽ ഒ​റ്റ ദി​വ​സ​ത്തെ പ​രി​പാ​ടി​ക​ൾ മാ​ത്ര​മാ​ണ് ര​ണ്ടാം സ​ന്ദ​ർശ​ന​ത്തി​ൽ മോ​ദി​ക്കു​ള്ള​ത്. തി​ര​ക്കി​ട്ട ഈ ​നീ​ക്ക​ങ്ങ​ൾക്കി​ട​യി​ൽ ഇ​ന്ത്യ​ൻ എം​ബ​സി സ​ന്ദ​ർശി​ക്ക​ലോ പ്ര​വാ​സി ഇ​ന്ത്യ​ൻ സ​മൂ​ഹ​ത്തെ അ​ഭി​സം​ബോ​ധ​ന ചെ​യ്യ​ലോ ഉ​ണ്ടാ​വി​ല്ലെ​ന്നാ​ണ് സൂ​ച​ന. എങ്കിലും അപ്രതീക്ഷിതമായി ഇന്ത്യക്കാരുടെ ലേബർ ക്യാമ്പ് സന്ദർശിക്കാനും സാധ്യത ഉള്ളതായി രാഷ്ട്രീയ നിരീക്ഷകർ കരുതുന്നു.

സ​ന്ദ​ർ​ശ​ന​ത്തി​നി​ടെ വി​വി​ധ ഇ​ന്ത്യ- സൗ​ദി വ്യാ​പാ​ര ക​രാ​റു​ക​ളി​ൽ ഒ​പ്പു​വെ​ക്കും. സൗ​ദി പ​ങ്കാ​ളി​ത്ത​ത്തോ​ടെ മ​ഹാ​രാ​ഷ്​​ട്ര​യി​ൽ തു​ട​ങ്ങാ​ൻ പ​ദ്ധ​തി​യി​ട്ട ഓ​യി​ൽ റി​ഫൈ​ന​റി സ്ഥാ​പി​ക്കു​ന്ന​തു​മാ​യി ബ​ന്ധ​പ്പെ​ട്ട ക​രാ​ർ ഒ​പ്പു​വെ​ക്കും. ഇ​ന്ത്യ​ൻ ഓ​യി​ൽ കോ​ർപ​റേ​ഷ​ന്റെ ഔട്ട്ലെറ്റുകൾ സൗ​ദി​യി​ൽ തു​ട​ങ്ങാ​നും ക​രാ​ർ ഒ​പ്പു​വെ​ക്കു​മെ​ന്നാ​ണ് വി​വ​രം. ‘റു​പി​യാ കാ​ർഡി​ന്റെ’ ഒൗ​ദ്യോ​ഗി​ക പ്ര​കാ​ശ​ന​വും പ്ര​ധാ​ന​മ​ന്ത്രി
നി​ർവ​ഹി​ക്കും.തുടർന്ന് രാ​ത്രി​യി​ൽ കി​രീ​ടാ​വ​കാ​ശി ഒ​രു​ക്കു​ന്ന അ​ത്താ​ഴ​വി​രു​ന്നി​ലും സം​ബ​ന്ധി​ച്ച ശേ​ഷം രാ​ത്രി​യി​ൽത​ന്നെ ഡ​ൽഹി​യി​ലേ​ക്ക് മ​ട​ങ്ങും