മസ്‌കറ്റ്: ആര്‍ട്ടിസ്റ്റ് മുഹമ്മദ് റാഫിയുടെ പെയ്ന്റിംഗ് എക്സ്ബിഷൻ ‘Beyond the brush with Rafi’ എന്ന പേരിൽ മസ്കറ്റിലെ ഖുറം വാട്ടർ ഫ്രണ്ട് മാളില്‍ ഡിസംബര്‍-2ന് ആരംഭിച്ചു.ഇന്ത്യന്‍ സ്‌കൂള്‍ വിഷ്വല്‍ ആര്‍ട്ട് കോ-ഓര്‍ഡിനേറ്ററും പ്രശസ്ത ചിത്രകാരനുമായ യെല്‍ദോ ടി.ഔസെഫ് ഉദ്ഘാടനം നിര്‍വഹിച്ച ചടങ്ങില്‍ ആര്‍ട്ട് ആന്റ് സോള്‍ ഗാലറി ഉടമ ഓസ്റ്റിന്‍ ഡിസില്‍വ,പ്രശസ്ത കാലിഗ്രഫറും സുല്‍ത്താന്‍ ഖാബൂസ് യൂണിവേഴ്‌സിറ്റി മുന്‍ അദ്ധ്യാപകനും കാലിഗ് ആര്‍ട്ടിന്റെ സ്ഥാപകനുമായ മുഹമ്മദ് ഈസാ അല്‍ റുവാഹി, എന്നിവര്‍ ആശംസകള്‍ നേരാന്‍ എത്തിയിരുന്നു.നിരവധി പേരാണ് എക്സിബിഷൻ കാണാൻ എത്തുന്നത് ഒമാനിൽ ചിത്രകലാ അദ്ധ്യാപകനായ മുഹമ്മദ് റാഫി ഇന്ത്യയിലും ഗൾഫ് രാജ്യങ്ങളിലും നിരവധി കലാ പ്രദർശനങ്ങൾ നടത്തിയിട്ടുണ്ട്.തന്റെ പെയിന്റിംഗ് മികവ് ഭരണ കർത്താക്കളുടെ പ്രശംസയ്ക്ക് പാത്രമായിട്ടുണ്ട്. ശാസ്ത്രീയ ചിത്ര രചന പഠനത്തിന് ശേഷം ചിത്രകലയിൽ സജീവമായ റാഫിയുടെ ചിത്രങ്ങൾ വലിയചിത്ര വില്പന ഇടങ്ങളിൽ വിറ്റുപോയിട്ടുണ്ട്. പ്രശസ്ത കലാകാരന്‍മാരായ മറ്റി സിര്‍വിയോ (ആര്‍ട്ട് ഗാലേറിയ), ആര്‍ട്ടിസ്റ്റ് ജോഷി, സൈക്കോ തെറാപിസ്റ്റ് ഡോ. കിരണ്‍ കൗര്‍ തുടങ്ങിയവര്‍ ചടങ്ങില്‍ സംബന്ധിച്ചു.എറണാകുളം ജില്ലയിലെ മൂവാറ്റുപുഴ സ്വദേശിയാണ് റാഫി ഡിസംബര്‍-14 വരെയാണ് ചിത്രപ്രദര്‍ശനം. പ്രവേശനം സൗജന്യമാണ്.
