മനാമ: കേരളത്തിന്റെ മുൻ ചീഫ് സെക്രട്ടറിയും, മലയാളം സർവകലാശാലയുടെ പ്രഥമ വൈസ് ചാൻസിലറും, ഗാനരചയിതാവും, കവിയും കുമാരനാശാൻ സ്മാരക അവാർഡ് ജേതാവുമായ ശ്രീ. കെ ജയകുമാർ ഐ. എ. എസ് ന്റെ മുഖ്യ കാർമ്മികത്വത്തിൽ ബുധനാഴ്ച്ച രാവിലെ വിദ്യാരംഭ നാളിൽ കുരുന്നുകൾക്ക് ആദ്യാക്ഷരം കുറിച്ചു.
വിദ്യാരംഭ ചടങ്ങുകൾക്കായി ബഹറിനിൽ എത്തിച്ചേർന്ന ശ്രീ. കെ ജയകുമാർ ഐ എ എസിന് ചൊവ്വാഴ്ച വൈകിട്ട് സിൽവർ ജൂബിലി ഹാളിൽ കൂടിയ പൊതു സമ്മേളനത്തിൽ ഊഷ്മളമായ സ്വീകരണം നൽകി.
പ്രവാസി ഭാരതീയ സമ്മാൻ അവാർഡ് ജേതാവും ബി. കെ. ജി ഹോൾഡിങ് കമ്പനി ചെയർമാനുമായ ശ്രീ കെ ജി ബാബരാജൻ, പ്രവാസി ഭാരതീയ സമ്മാൻ അവാർഡ് ജേതാവും നാഷണൽ ഗ്രൂപ്പ്‌ ഓഫ് കമ്പനി മാനേജിംഗ് ഡയറക്ടറുമായ ശ്രീ രാജശേഖരൻ പിള്ള.
കിംസ് ഹോസ്പിറ്റൽ ബഹ്‌റൈന്റെ ചീഫ് മാർക്കറ്റ് ഓപ്പറേറ്റിംഗ് ഓഫീസർ ശ്രീ. താരിഖ് ബഷീർ, തുടങ്ങിയവർ മുഖ്യാതിഥികളായി പങ്കെടുത്ത ചടങ്ങിൽ
എസ് എൻ സി എസ് ആക്ടിങ് സെക്രട്ടറി ശ്രീ പ്രസാദ് വാസു സ്വാഗത പ്രസംഗവും എസ് എൻ സി എസ് ചെയർമാൻ ശ്രീ സുനീഷ് സുശീലൻ അധ്യക്ഷതയും വഹിച്ചു.
ശ്രീ. ജയേഷ് വി.കെ , ശ്രീ. അജേഷ് കണ്ണൻ എന്നിവർ ആശംസകൾ നേർന്നു.
ശ്രീമതി ധന്യ ശ്രീലാൽ മുഖ്യ അവതാരകയായി, എസ് എൻ സി എസ് വൈസ് ചെയർമാൻ ശ്രീ സന്തോഷ് ബാബു നന്ദിയും അറിയിച്ചു.
