ദമ്മാം : യൂറോ കപ്പ് ഫൈനൽ മത്സരം ഒരുമിച്ചു വീക്ഷിച്ചു സൗദി കിരീടാവകാശിയും ഒമാൻ ഭരണാധികാരിയും . സൗദി അറേബ്യയുടെ ടുറിസം സ്വപ്ന പദ്ധതി ആയ നിയോം സിറ്റിയിലെ രാജ കൊട്ടാരത്തിൽ വച്ചാണ് സൗദി കിരീടാവകാശി മുഹമ്മദ് ബിൻ സൽമാൻ രാജകുമാരനും ഒമാൻ ഭരണാധികാരി സുൽത്താൻ ഹൈതം ബിൻ താരിഖും ഇറ്റലിയും ഇംഗ്ളണ്ടും തമ്മിലുള്ള മത്സരം കണ്ടത് . കടുത്ത ഫുട്‌ബോൾ ആരാധകനായ സൗദി കിരീടാവകാശി മുഹമ്മദ്ബിൻ സൽമാൻ രണ്ടു ദിവസത്തെ സൗദി സന്ദർശനത്തിനെത്തിയ ഒമാൻ ഭരണാധികാരിയെ യൂറോ കപ്പ് കാണുവാൻ ക്ഷണിക്കുകയായിരുന്നു . ഒമാൻ ഭരണാധികാരി ആയി ചുമതല ഏറ്റതിനു ശേഷം സുൽത്താൻ ഹൈതം ബിൻ താരിഖ് നടത്തുന്ന ആദ്യ വിദേശ യാത്ര ആണ് ഇത്
