തലശ്ശേരി മാഹി ക്രിക്കറ്റ് മേളയുടെ മെഗാ താരലേലം സംഘടിപ്പിച്ചു.

ദമാം : തലശ്ശേരി മാഹി ക്രിക്കറ്റ് ക്ലബ് സംഘടിപ്പിക്കുന്ന ക്രിക്കറ്റ് മേളയുടെ മെഗാ താരലേലം അല്‍ കോബാര്‍ ദർബാർ ഓഡിറ്റോറിയത്തില്‍ വെച്ച് സംഘടിപ്പിച്ചു. തലശ്ശേരി മാഹി പ്രദേശത്തുള്ള നൂറിൽ പരം കളിക്കാർ രജിസ്ട്രേഷൻ ചെയ്തതിൽ നിന്നും എഴുപത്തി എട്ട് പേർ അടങ്ങുന്ന ആറ് ടീമുകളെയാണ്‌ തിരഞ്ഞെടുത്തത്. പള്ളിത്താഴ റോക്കേസ്, കതിരൂർ കുരിക്കൾസ്, നെട്ടൂർ ഫൈറ്റേയ്സ്, കോർട്ട് യാഡ് വിസാഡ് സൈദാർ പള്ളി കിംഗ്സ്, മാഹി സ്ട്രൈക്കേസ് എന്നീ ടീമുകളാണ്‌‌ മല്‍സരത്തില്‍ മാറ്റുരക്കുക.  മാർച്ച് പതിനേഴ്, പതിനെട്ട് തീയ്യതികളിൽ ഗൂക്ക ഫ്ലഡ് ലിറ്റ് സ്റ്റേഡിയത്തിലാണ്‌ മേള സംഘടിപ്പിക്കുക. മഹർ സൈഫ്, ഫാസിൽ, സജീർ എസ്, പി.ഷമ്മാസ്, ഷാഹിൻ റിയാസ്, നിയാസ് എന്നിവർ പരിപാടി നിയന്ത്രിച്ചു.