ബഹ്‌റൈൻ : സംസ്കൃതി ശബരീശ്വരം വിഭാഗിന്റെ വാർഷിക ജനറൽ ബോഡി യോഗം കഴിഞ്ഞ ദിവസം സംസ്കൃതി ഓഫീസിൽ നടന്നു.യോഗത്തിൽ വിവിധ യൂണിറ്റ്കളുടെ പ്രധിനിധികൾ പങ്കെടുക്കുകയും റിപ്പോർട്ട്‌ അവതരിപ്പിക്കുകയും
ചെയ്തു. ശബരീശ്വരം വിഭാഗ് പ്രസിഡന്റ് സിജു കുമാർ അധ്യക്ഷനായ ചടങ്ങിൽ ശബരീശ്വരം വിഭാഗ് സെക്രട്ടറി രജീഷ് ടി ഗോപാൽ സ്വാഗതം പറഞ്ഞു. മുഖ്യഅതിഥി ആയിരുന്ന ബഹ്‌റൈൻ സംസ്കൃതി പ്രസിഡന്റ് പ്രവീൺ നായർ വരും വർഷത്തെ പ്രവർത്തനങ്ങൾക്കുള്ള മാർഗ നിർദേശങ്ങൾ നൽകി. സംസ്കൃതി ബഹ്‌റൈൻ ജനറൽ സെക്രട്ടറി റിതിൻ രാജ് സംസ്കൃതി സംയോജക് സുരേഷ് ബാബു എന്നിവർ സംസാരിച്ചു. ശബരീശ്വരം ഭാഗ് എക്സിക്യൂട്ടീവ് അംഗം ബാലചന്ദ്രൻ കൊന്നക്കാട് ചടങ്ങിൽ നന്ദി പ്രകാശിപ്പിച്ചു.
