കൊല്ലംജില്ലാ സ്വദേശികളായ ഒമാനിലെ പ്രവാസി മലയാളികളുടെ ആദ്യ സംഘടനയായ കൊല്ലം പ്രവാസി അസോസിയേഷൻ നിലവില്‍ വന്നു. റൂവി ഫോര്‍ സ്ക്വയർ ഹോട്ടലിൽ വെച്ച് കൂട്ടായ്മയുടെ ആദ്യ ഒത്തുകൂടലും ഭരണ സമിതി തിരഞ്ഞെടുപ്പും നടന്നു .ഇന്ത്യൻ സോഷ്യൽ ക്ലബ് മലയാള വിഭാഗം കൺവീനർ പി ശ്രീകുമാർ ലോഗോ പ്രകാശനം ചെയ്തു .ആക്‌സിഡന്റ് സ് & ഡിമൈസസ് ഒമാൻ , തൃശൂർ ഒമാന്‍ ഓര്‍ഗനൈസേഷന്‍ പ്രതിനിധികള്‍ ശ്രീ ഫിറോസ്, ശ്രീ വാസു ദേവന്‍ എന്നിവർ പങ്കെടുത്തു. ഒമാനിലെ മുഴുവന്‍ കൊല്ലം ജില്ലാ സ്വദേശികളുടെ ക്ഷേമത്തിനും ഉന്നമതിക്കും വേണ്ടി ഒമാന്‍ മസ്കറ്റ് കേന്ദ്രമാക്കി പ്രവര്‍ത്തിക്കുക എന്നതാണ് കൂട്ടായ്മയുടെ മുഖ്യലക്ഷ്യം. സംഘ ടനയുടെ പ്രസിഡന്റായി കൃഷ്ണേന്ദുവും ജനറൽസെക്രട്ടറി ആയി ഷഹീർ അഞ്ചലിനെയും ട്രഷറർ ആയി ജാസ്‌മിൻ യൂസഫിനേയും വൈസ്പ്രസിഡറായി രതീഷ് സെക്രട്ടറി ആയി ബിജുമോൻ നിർവാഹകസമിതി അംഗങ്ങൾ ആയി ശ്രീജിത്ത്,കൃഷ്ണരാജ് ,പദ്മചന്ദ്രപ്രകാശ്,സജിത്ത് ,റാബിയ എന്നിവരെ തെരെഞ്ഞെടുത്തു .ജന്മനാട്ടിൽ അതിഥികള്‍ മാത്രമായി പോയിവരുന്ന പ്രവാസികളുടെ ജീവിതത്തിന്റെ വിഷമങ്ങളിലും ദുരിതങ്ങളിലും ചേര്‍ന്നുനിന്നു പ്രവർത്തിക്കാൻ തീരുമാനിച്ചു. കൂട്ടായ്മയിലെ അംഗങ്ങളുടെ കലാ കായിക അഭിരുചികൾ കണ്ടെത്തി അവര്‍ക്ക് വേദി ഒരുക്കാനും ഈ കൂട്ടായ്മ ഉദ്ദേശിക്കുന്നു. ജാതി മത രാഷ്ട്രീയത്തിനതീതമായി കൊല്ലം പ്രവാസികളുടെ നന്മയ്ക്ക് വേണ്ടി ഈ കൂട്ടായ്മ പ്രവർത്തിക്കും. ഇന്ത്യൻ എംബസ്സിയുമായി സഹകരിച്ച് ആവശ്യമുള്ളവര്‍ക്ക് വേണ്ട സഹായങ്ങളും രക്തദാനം പോലുള്ള സാമൂഹിക പ്രവർത്തനങ്ങളും നടത്തും. SSLC, +2 പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളെ അനുമോദിക്കാനും തീരുമാനിച്ചു.
കൂട്ടായ്മയുമായി ബന്ധപ്പെടാൻ: 97882245,95428146, 90558985
