ഒമാൻ :കൊല്ലം പ്രവാസി അസോസിയേഷൻ ഒമാന്റെ സേവന പ്രവർത്തനങ്ങളെ ഒമാന്‍ സന്ദര്‍ശിച്ച ശ്രീ CR മഹേഷ് കരുനാഗപ്പള്ളി MLA പ്രശംസിച്ചു. ജാതി മത രാഷ്ട്രീയത്തിനതീതമായി കൊല്ലം സ്വദേശികളായ പ്രവാസികളുടെ കൂട്ടായ്മ വളരേ കുറച്ച് നാളുകള്‍ക്കുള്ളില്‍തന്നെ നിരവധി സാധാരണക്കാരായ പ്രവാസികളുടെ പ്രശ്നങ്ങളില്‍ ഇടപെടാനും പരിഹാരം തേടുവാനും കഴിഞ്ഞു എന്ന് പ്രസിഡന്റ് ശ്രീ കൃഷ്ണേന്ദു പറഞ്ഞു. നവംബർ 25 വെള്ളിയാഴ്‌ച കൊല്ലം പ്രവാസി അസോസിയേഷന്റെ നേതൃത്വത്തില്‍ നടക്കുന്ന രക്തദാന ക്യാമ്പിനും തുടര്‍ന്നുള്ള പ്രവർത്തനങ്ങള്‍ക്കും അദേഹം എല്ലാവിധ ആശംസകളും നേര്‍ന്നു. പ്രവാസികളുടെ ആവശ്യങ്ങൾ അറിയിക്കാനും അതിന്‌ പരിഹാരംകാണുവാനും വേണ്ടി MLAയുടെ ഓഫീസ് അനുബന്ധം ഒരി പ്രത്യേക സംവിധാനം ഉടന്‍തന്നെ കേരളത്തിൽ ആദ്യമായി ഒരുക്കും എന്ന് അദേഹം അറിയിച്ചു. കൊല്ലം സ്വദേശികളായ പ്രവാസികളുടെ ഈ കൂട്ടായ്മ നിരവധി സാമൂഹിക കാരുണ്യ പ്രവർത്തനങ്ങൾ ചെയ്തുവരുന്നു എന്ന് ജനറല്‍ സെക്രട്ടറി ശ്രീ. ഷഹീർ അഞ്ചല്‍ പറഞ്ഞു. ട്രഷറർ ശ്രീ. ജാസ്മിൻ യൂസുഫ്, വൈസ് പ്രസിഡന്റ് ശ്രീ. രതീഷ് രാജൻ , ശ്രീജിത്, പത്മചന്ദ്ര പ്രകാശ്, നാസര്‍ എന്നിവർ പങ്കെടുത്തു.
