ഒമാൻ:സമസ്ത ഇസ്ലാമിക് സെന്‍റർ ഒമാൻ നാഷനൽ കമ്മിറ്റിക്കു കീഴിൽ നടത്തുന്ന മേഖല സമ്മേളങ്ങൾക്ക് ശർഖിയ മേഖല സമ്മേളനത്തോടെ തുടക്കമാക്കും, മസ്‌ക്കറ്റ് ഏരിയയിലെ പ്രധാന മേഖല സമ്മേളനം ആയ ആസിമ മേഖല സമ്മേളനം വെള്ളിയാഴ്ച രാത്രി 8.30 ന് റുസൈൽ അൽ മക്കാരിം ഓഡിറ്റോറിയത്തിൽ നടക്കും.. തുടർന്ന് ബാത്തിന മേഖല സമ്മേളനം സഹമിലെ നൂർഹാളിലും, വസതിയ മേഖല സമ്മേളനം തർമ്മത്ത് അൽമഹാ ഹാളിലും നടക്കുമെന്നു ഭാരവാഹികൾ വാർത്താസമ്മേളനത്തിൽ പറഞ്ഞു.സമ്മേളനങ്ങൾ എല്ലാം തന്നെ പാണക്കാട് അബ്ബാസ് അലി ശിഹാബ് തങ്ങൾ ഉദ്ഘാടനം ചെയ്യും. സമ്മേളന കേന്ദ്രങ്ങളിൽ അബ്ദുസ്സമദ് പൂക്കോട്ടൂർ മുഖ്യപ്രഭാഷണം നടത്തും. വിവിധ സമ്മേളനങ്ങളിലായി ഒ.സി.സി.ഐ ഡയറക്ടർ ബോർഡ് മെംബർ ലത്തീഫ് സാഹിബ് ഉപ്പള, സി.എം. നജീബ്, എം.ഡി മുഹമ്മദ് കുട്ടി, എന്നിവരും പങ്കെടുക്കുമെന്നും ഭാരവാഹികളായ SIC ആസിമ മേഖല രക്ഷാധികാരി മുഹമ്മദലി ഫൈസി ,SIC ആസിമ മേഖല പ്രസിഡൻ്റ് ശൈഖ് അബ്ദുറഹ്മാൻ മുസ്‌ലിയാർ, ആസിമ മേഖല സെക്രട്ടറി സുബൈർ ഫൈസി , പ്രോഗ്രാം കമ്മറ്റി ചെയർമാർ സക്കരിയ്യ ഹാജി തളിപ്പറമ്പ് , എന്നിവർ വാർത്താസമ്മേളനത്തിൽ പറഞ്ഞു.
