ഒമാൻ :കൊല്ലം പ്രവാസി അസോസിയേഷൻ- ഒമാന്റെ നേതൃത്വത്തില്‍ നാടക രംഗത്തെ മികച്ച സംഭാവനകള്‍ക്കുള്ള കേന്ദ്ര സര്‍ക്കാര്‍ ഏജന്‍സിയായ ഭരത് സേവക് സമാജിന്റെ നാഷണൽ അവാർഡ് നേടിയ പ്രവാസി നാടക പ്രവര്‍ത്തകന്‍ ശ്രീ അന്‍സർ ഇബ്രഹാമിനെ ആദരിച്ചു. ഒമാനിലെ പ്രവാസികളായവരുടെ കൂട്ടായ്മയായ കൊല്ലം പ്രവാസി അസോസിയേഷൻ-ഒമാന്‍ ആണ് കൊല്ലം സ്വദേശിയായി ശ്രീ. അന്‍സർ ഇബ്രഹാമിന് ആദരവുനല്‍കിയത്. കൂട്ടായ്മയുടെ നിരവധി അംഗങ്ങൾ ചേര്‍ന്നു നടത്തിയ ചടങ്ങില്‍ പ്രസിഡന്റ് ശ്രീ. കൃഷ്ണേന്ദു പൊന്നാട അണിയിച്ചു. ജനറല്‍ സെക്രട്ടറി ശ്രീ. ഷഹീർ അഞ്ചൽ ഉപഹാരം നല്‍കി ആദരിച്ചു. ട്രഷറർ ശ്രീ. ജാസ്മിൻ യൂസുഫ്, ബിജു മോന്‍, പത്മചന്ദ്ര പ്രകാശ്, ശ്രീജിത് എന്നിവര്‍ പങ്കെടുത്തു. കഴിഞ്ഞ ഒരു വര്‍ഷകാലമായി പ്രവാസി സമൂഹത്തിന്റെ താങ്ങും തണലുമായി പ്രവർത്തിക്കുന്ന കൊല്ലം പ്രവാസി അസോസിയേഷന്റെ വിവിധ പ്രവര്‍ത്തനങ്ങളെ നന്ദി പ്രസംഗത്തില്‍ ശ്രീ. അന്‍സർ ഇബ്രഹാം പ്രശംസിച്ചു.
