ഒമാൻ :കൈരളി കസബിന്റെ ആറാമത് വാർഷികാഘോഷങ്ങളുടെ ഭാഗമായി ജോയ് ആലുക്കാസ് എക്സ്ചെഞ്ച് കസബ് ബ്രാഞ്ചിന്റെ സഹകരണത്തോടെ സംഘടിപിച്ച സെവൻസ് ഫുട്ബോൾ മത്സരം കസബ് സ്പോർട്സ് കോംപ്ലക്സ് ഇൻഡോർ സ്റ്റേഡിയത്തിൽ വച്ച് രണ്ടു ദിവസങ്ങളിലായി നടത്തപെട്ടു.ടൂർണമെന്റ് ഉദ്ഘാടനത്തിൽ ഹമദ് അൽശഹി, അബ്ദുറഹിമാൻ ഇസ്മയിൽ അൾ മൊല്ല അൽശഹി, മുഹമ്മദ് അലി അബ്ദുറഹ്‍മാൻ അൽ ഷെഹി, സുലൈമാൻ അഹമ്മദ് ഫെറി, എന്നീ പ്രമുഖ വ്യക്തികളുടെ സാനിധ്യം ഉണ്ടായിരുന്നു. സ്ത്രീകളുടെയും കുട്ടികളുടെയും അടക്കം വൻ ജനാവലിയുടെ സാനിധ്യത്തിൽ കസബിലെ എട്ടോളം പ്രമുഖരായ ടീമുകൾ അണി നിരന്ന വാശിയേറിയ ടൂർണ്ണമെന്റിൽ KL14 ടീം ഒന്നാം സ്ഥാനത്തെത്തി.പന്ത്രണ്ടു വയസിൽ താഴെ യുള്ള കുട്ടികളുടെ വാശിയേറിയ സൗഹൃദ മത്സരവും സംഘടിപ്പിച്ചിരുന്നു.കൈരളി കസബ് ഭാരവാഹികൾ ആയ ഷറഫലി, എം ബി വേണുക്കുട്ടൻ ,ജാഫർ മാവൂർ ബഷീർ തിരൂർ ,
പ്രകാശ് ബുക്ക,രവി നാദാപുരം,സജിത്ത്,പ്രബീൻ ചീമേനി, അഭിലാഷ് ഗഫൂർ എന്നിവർ നേതൃത്വം നൽകി.
