സോഹാർ :സോഹാർ മലയാളി സംഘം ഈ ഒക്ടോബർ 13.14. തീയ്യതികളിൽ സോഹാർ ഹയർ സെക്കൻഡറി സ്കൂളിൽ വച്ച് നടത്തുവാൻ നിശ്ചയിച്ചിരുന്ന എട്ടാമത് സോഹാർ മലയാളി സംഘം (SMS) യുവജനോത്സവം ചില സാങ്കേതിക കാരണങ്ങളാൽ ഒക്ടോബർ 20.21 തീയ്യതികളിൽ സോഹാർ അമ്പറിലുള്ള വിമൻസ് അസോസിയേഷൻ ഹാളിലെ മൂന്ന് വേദികളിൽ നടക്കും വള്ളത്തോൾ നഗർ, ടാഗോർ നഗർ, സുഗധാഞ്ജലി എന്നീങ്ങനെ യുള്ള വേദികളിൽ രാവിലെ എട്ട് മണി മുതൽ രാത്രി എട്ട് മണി വരെ നടക്കും വിവിധ കലാ മത്സരങ്ങളിൽ പങ്കെടുക്കുവാൻ ഒമാനിലെ വിവിധ ഭാഗങ്ങളിൽ നിന്നും നിരവധി മത്സരാർഥികൾ ഒത്തു കൂടുന്ന സോഹാറിലെ കലാമാമങ്കത്തിന് കേരളത്തിൽ നിന്നും എത്തുന്ന പ്രഗത്ഭർ വിധി നിർണയം നടത്തുന്നു.രണ്ട് ദിവസം പന്ത്രണ്ട് മണിക്കൂറിൽ അധികം മൂന്ന് വേദികളിൽ ആയി നടത്തുന്ന കലാ മാമാങ്കത്തിന് മാറ്റ് കൂട്ടുവാൻ മലയാളത്തിലെ പ്രമുഖ ചലച്ചിത്ര സംവിധായകൻ ശ്രീ ബോബൻ സാമുവലും ,പ്രമുഖ ചലച്ചിത്ര താരം രശ്മി ബോബനും പങ്കെടുക്കും എന്ന് സോഹാർ മലയാളി സംഘം ഭാരവാഹികളായ മനോജ് കുമാറും വാസുദേവൻ പിട്ടനും അറിയിച്ചു.
