ഒമാൻ:അന്താരാഷ്ട്ര ടെന്നീസ് ചാംപ്യനായ ലോക അഞ്ചാം നമ്പർ റാങ്കിലുള്ള ആന്ദ്രേ റുബ്‌ലേവിനെ ആസ്റ്റർ മെഡ്കെയറും ആസ്റ്റർ ഫാർമസിയും ബ്രാൻഡ് അംബാസഡറായി പ്രഖ്യാപിച്ചു.വ്യക്തികളുടെ ആരോഗ്യ ക്ഷേമ യാത്രയെ പിന്തുണയ്ക്കുന്ന മികച്ച ബ്രാൻഡുകളും ഉൽപ്പന്നങ്ങളും ഉൾക്കൊള്ളുന്ന ആസ്റ്റർ ഫാർമസിയുടെ വെൽനസ്, ന്യൂട്രീഷൻ, ലൈഫ്സ്റ്റൈൽ വിഭാഗങ്ങളുടെ പ്രചാരം കൂടുതൽ മികച്ച നിലയിലേക്ക് ഉയർത്തുന്നതിൽ ആൻഡ്രി റുബ്‌ലേവിന്റെ സാന്നിധ്യം സഹായകരമാകുമെന്നും കമ്പനി പ്രതീക്ഷിക്കുന്നു .ഒരു പ്രൊഫഷണൽ അത്ലറ്റ് എന്ന നിലയിൽ, താൻ എല്ലായ്പ്പോഴും ആരോഗ്യം, ശാരീരികക്ഷമത, ആരോഗ്യകരമായ ജീവിതം എന്നിവയുടെ വക്താവാണെന്നും പങ്കാളിത്തം പ്രഖ്യാപിച്ചശേഷം സംസാരിച്ച ആൻഡ്രിറുബ്‌ലേവ് പറഞ്ഞു. മികച്ച ആരോഗ്യവും, സന്തോഷവും പ്രദാനം ചെയ്യാൻ പ്രയത്‌നിക്കുന്ന മെഡ്‌കെയറിന്റെ ‘ഹാപ്പിനസ് ബിഗിൻസ് വിത്ത് ഹെൽത്ത് ക്യാംപെയിനുമായി സഹകരിക്കുന്നതിലും ഏറെ സന്തോഷമുണ്ടെന്നും അദ്ദേഹം കൂട്ടിച്ചേർത്തു .ആൻഡ്രി റു‌ബ്ലേവ് ഞങ്ങളുടെ ബ്രാൻഡ് അംബാസഡറായി ചേരുന്നതിലൂടെ ആരോഗ്യം, ക്ഷേമം, ശാരീരിക ക്ഷമത എന്നിവയ്ക്ക് മുൻഗണന നൽകുന്നതിന് ജനങ്ങളെ പ്രോത്സാഹിപ്പിക്കുക എന്ന ഞങ്ങളുടെ ദൗത്യത്തിന് കൂടുതൽ ശക്തി കൈവരുമെന്ന് ആസ്റ്റർ ഡിഎം ഹെൽത്ത് കെയർ ജിസിസി മാനേജിങ്ങ് ഡയറക്ടറും. ഗ്രൂപ്പ് സി ഇ ഒയുമായ അലീഷ മൂപ്പൻ പറഞ്ഞു.
