ഖത്തർ: അബ്ദുൽ കരീം ഹസൻ ലോകകപ്പ് യോഗ്യതാ മത്സരത്തിനുള്ള ടീമിൽ.ഒക്ടോബർ പത്തിന് കിർഗിസ്താനെയും, 15ന് ഇറാനെയും നേരിടാനുള്ള ഖത്തറിന്റെ 27 അംഗ ടീമിലേക്കാണ് പ്രതിരോധനിരയിലെ കരുത്തുറ്റ താരം അബ്ദുല്‍ കരീം ഹസനെ കോച്ച്‌ മാർക്വേസ് ലോപസ് ഉള്‍പ്പെടുത്തിയത്.ലോകകപ്പില്‍ ഖത്തറിന്റെ തോല്‍വിയിൽ നിരാശ പ്രകടിപ്പിച്ച ആരാധകരോട് സമൂഹ മാധ്യമ പ്ലാറ്റ്ഫോമില്‍ പ്രതികരിച്ചതിനാണ് താരം നടപടികൾ നേരിടേണ്ടിവന്നത്. ദേശീയ ടീമിൽനിന്നും അല്‍ സദ്ദ് ക്ലബിൽ നിന്നും ഹസനെ പുറത്താക്കുകയായിരുന്നു .2022 ലോകകപ്പിനുശേഷം ആദ്യമായാണ് 31കാരനായ അബ്ദുല്‍ കരീം ദേശീയ ടീമില്‍ തിരികെയെത്തുന്നത്.യോഗ്യത റൗണ്ടിലെ ആദ്യ മത്സരങ്ങളില്‍ യു.എ.ഇയോട് തോല്‍കുകയും, രണ്ടാം മത്സരത്തില്‍ ഉത്തര കൊറിയയോട് സമനില വഴങ്ങുകയും ചെയ്ത ഖത്തറിന് ശേഷിക്കുന്ന മത്സരങ്ങളില്‍ വിജയം അനിവാര്യമാണ്. ഈ ഘട്ടത്തിലാണ് കരുത്തരെ അണിനിരത്തി കോച്ച്‌ ടീമിനെ ഒരുക്കുന്നത്. ബൗലം ഖൗഖി തിരികെ എത്തിയപ്പോള്‍, പരിക്കേറ്റ പെട്രോ മിഗ്വേല്‍ പുറത്തായി.അല്‍ തുമാമ സ്റ്റേഡിയത്തില്‍ നടക്കുന്ന മത്സരത്തിന്റെ ടിക്കറ്റുകള്‍ ക്യൂ.എഫ്.എ ഓണ്‍ലൈൻ പ്ലാറ്റ്ഫോം വഴി വില്‍പന ആരംഭിച്ചു. 10, 30 റിയാല്‍ നിരക്കില്‍ ടിക്കറ്റുകള്‍ ലഭ്യമാണ്.
