മസ്‌കത്ത്: മലയാളി അമ്മമാരുടെ കൂട്ടായ്മയായ മലയാളി മമ്സ് മിഡിലീസ്റ്റ് കൂട്ടായ്മയുടെ ഈദ്, ഓണാഘോഷം ഒമാൻ അവന്യുസ് മാളിൽ നടന്നു.ആഘോഷത്തിന്റെ ഭാഗമായി നിരവധി കലാപരിപാടികൾ അരങ്ങേറി.വെള്ളിയാഴ്ച രാവിലെ 10 മുതൽ ഉച്ചക്ക് 2 മണി വരെ നീണ്ടു നിന്ന പരിപാടിയിൽ അമ്മമാർ അണിയിച്ചൊരുക്കിയ കലാപരിപാടികൾ നടന്നു.ഉച്ചക്ക് വിഭവസമൃദ്ധമായ സദ്യയും ഉണ്ടായിരുന്നു.കൺവീനർ മോണാ മുഹമ്മദ്, കോർഡിനേറ്റർ സിദ്ധു സോമൻ, സ്‌മിത നായർ എന്നിവരുടെ നേതൃത്വത്തിലാണ് പരിപാടികൾ നടന്നത്. കേരളത്തിന്റെ വിവിധഭാഗങ്ങളിൽ നിന്നുള്ള വീട്ടമ്മമാരുടെ കൂട്ടായ്മയാണ് മലയാളി മമ്സ് മിഡിലീസ്റ്റ്. സ്ത്രീകളിൽ ഉറങ്ങിക്കിടക്കുന്ന കലാവാസനകളെ പ്രോത്സാഹിപ്പിക്കുകയും അവരെ മുഖ്യധാരയിലേക്ക് കൊണ്ടുവരികയുമാണ് കൂട്ടായ്മയുടെ ലക്ഷ്യമെന്ന് ഭാരവാഹികൾ പറഞ്ഞു. എം.എം.എം.ഇ ഒമാൻ എന്ന്‌ ഫേസ്ബുക്കിൽ സർച്ച് ചെയ്ത് ഈ ഗ്രുപ്പിൽ അംഗമാകാൻ കഴിയും.
