ഒമാൻ: ഒമാൻ ക്രിക്കറ്റ് ലീഗ് ബി ഡിവിഷൻ എ ബി എൽ ടാസ്കിന് തുടർച്ചയായ മൂന്നാം വിജയം അമിറാത്ത് മുനിസിപ്പാലിറ്റി ഗ്രൗണ്ട് ഒന്നിൽ നടന്ന ഒമാൻ ബി ഡിവിഷൻ ക്രിക്കറ്റ് ലീഗ് മത്സരത്തിൽ എ ബി എൽ ടാസ്ക് , ഖൽസ യുണൈറ്റഡ് സി.ടി. യെ 55 റൺസിന് പരാജയപ്പെടുത്തി.ടോസ് നേടിയ എബിഎൽ ടാസ്ക് ബാറ്റിംഗ് തിരഞ്ഞെടുക്കുകയായിരുന്നു. നിധിൻ കെ (68 പന്തിൽ 85 റൺസ്), നിശാന്ത് എം ( 38പന്തിൽ 47 റൺസ്) വിജയാനന്ദ് (31 പന്തിൽ 29), വിനു കുമാർ (21 പന്തിൽ 34) എന്നിവരുടെ മികച്ച പ്രകടനത്തോടെ എ ബി എൽ ടാസ്ക് 30 ഓവറിൽ 234 റൺസ് അടിച്ചെടുത്തു. മറുപടി ബാറ്റിംഗിനിറങ്ങിയ ഖൽസ യുണൈറ്റഡ് സി.ടിക്ക് 30 ഓവറിൽ 9 വിക്കറ്റ് നഷ്ടത്തിൽ 179 റൺസെടുക്കാനെ കഴിഞ്ഞുള്ളൂ, സയ്യിദ് അർഫാൻ 40 പന്തിൽ 33 റൺസും റാഷെദ് അലി 49 പന്തിൽ 74 റൺസും നേടി. 6 ഓവറിൽ 15 റൺസ് വഴങ്ങി 3 വിക്കറ്റ് വീഴ്ത്തിയ വിനു കുമാറും 33 റൺസ് വഴങ്ങി 3 വിക്കറ്റ് വീഴ്ത്തിയ നോബിഷ്. കെ. എന്നിവർ എബിഎൽ ടാസ്കിന് വേണ്ടി മികച്ച ബോളിംഗ് പ്രകടനം കാഴ്ചവച്ചു.ഈ വിജയത്തോടെ ബി ഡിവിഷൻ മത്സരത്തിൽ എബിഎൽ ടാസ്ക് തുടർച്ചയായ മൂന്നാം വിജയം നേടി ഗ്രൂപ്പിൽ ഒന്നാം സ്ഥാനത്ത് തുടരുന്നു.
