മസ്കറ്റ്: ഒമാൻ പ്രവാസി അസോസിയേഷൻ ബർക്ക യൂനിറ്റിന്റെ ആഭിമുഖ്യത്തിൽ സംഘടിപ്പിക്കുന്ന നോർക്ക പ്രവാസി ക്ഷേമനിധി അംഗത്വ ക്യാമ്പും, സൗജന്യ മെഡിക്കൽ ക്യാമ്പും 2026 ഏപ്രിൽ 17 വെള്ളിയാഴ്ച്ച ബർക്ക ലുലു ഹൈപ്പർ മാർക്കറ്റിൽ ഉച്ചക്ക് രണ്ടു മണി മുതൽ വൈകീട്ട് ആറു വരെ നടക്കും.ഒമാൻ പ്രവാസി അസോസിയേഷൻ സംഘടിപ്പിക്കുന്ന ഏഴാമത്തെ ക്യാമ്പാണ് നടക്കുന്നത്.ഒമാന്റെ എല്ലാ ഭാഗങ്ങളിലുള്ള പ്രവാസികൾക്ക് സഹായകരമാവുന്നതിനായാണ് യൂണിറ്റുകൾ കേന്ദ്രീകരിച്ച് ക്യാമ്പുകൾ സംഘടിപ്പിക്കുന്നതെന്ന് ഭാരവാഹികൾ അറിയിച്ചു.നിലവിൽ ആയിരത്തിൽ അധികം പ്രവാസികൾക്കാണ് ഒരു വർഷത്തിനുള്ളിൽ ഒമാൻ പ്രവാസി അസോസിയേഷൻ ഇരു കാർഡുകളും എടുത്ത് നൽകിയത്.ക്യാമ്പിൽ പങ്കെടുക്കാൻ താല്പര്യമുള്ളവർ ക്യാമ്പിൽ പാസ്പോർട്ട് കോപ്പി, സിവിൽ ഐഡി കോപ്പി, ഫോട്ടോ എന്നിവയുമായി പങ്കെടുക്കണമെന്ന് എക്സിക്യൂട്ടീവ് കമ്മിറ്റി അംഗങ്ങൾ അറിയിച്ചു.മെട്രോ ഹോസ്പിറ്റലുമായി സഹകരിച്ചു നടത്തുന്ന മെഡിക്കൽ ക്യാമ്പ് തികച്ചും സൗജന്യമാണ്. കൂടാതെ വിവിധ ടെസ്റ്റുകളും കൺസൽട്ടേഷൻ കൂപ്പണുകളും സൗജന്യമായി ലഭിക്കുമെന്നും ഭാരാവഹികൾ പറഞ്ഞു.
