വിവിധ ക​രാ​റു​ക​ളി​ൽ സൗ​ദി അ​റേ​ബ്യ​യും ഇ​ന്തോ​നേ​ഷ്യ​യും ഒ​പ്പു​വെ​ച്ചു

റി​യാ​ദ്​: 2700 കോ​ടി ഡോ​ള​റി​​ന്റെ ക​രാ​റു​ക​ളി​ൽ സൗ​ദി അ​റേ​ബ്യ​യും ഇ​ന്തോ​നേ​ഷ്യ​യും ഒ​പ്പു​വെ​ച്ചു. ഊ​ർ​ജം, പെ​ട്രോ​കെ​മി​ക്ക​ൽ വ്യ​വ​സാ​യ​ങ്ങ​ൾ, വ്യോ​മ​യാ​ന ഇ​ന്ധ​ന സേ​വ​ന​ങ്ങ​ൾ എ​ന്നി​വ​യു​ൾ​പ്പെ​ടെ വി​വി​ധ മേ​ഖ​ല​ക​ളി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ സ്ഥാ​പ​ന​ങ്ങ​ൾ ത​മ്മി​ൽ നി​ര​വ​ധി ക​രാ​റു​ക​ൾ ഒ​പ്പു​വെ​ച്ച​ത്.ഇ​ന്തോ​നേ​ഷ്യ​ൻ പ്ര​സി​ഡ​ൻ​റ്​ പ്ര​ബോ​വോ സു​ബി​യാ​ന്റെ സൗ​ദി സ​ന്ദ​ർ​ശ​ന​ത്തി​നി​ട​യി​ലാ​ണ്​ വിവിധ കരാറുകളിൽ ഇരു രാജ്യങ്ങളും ഒപ്പുവച്ചത് . ബു​ധ​നാ​ഴ്ച സൗ​ദി​യി​ലെ​ത്തി​യ പ്ര​ബോ​വോ സു​ബി​യാ​ന് ജി​ദ്ദ അ​ൽ സ​ലാം പാ​ല​സി​ൽ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ ഊ​ഷ്​​മ​ള​വും രാ​ജ​കീ​യ​വു​മാ​യ വ​ര​വേ​ൽ​പാ​ണ്​ ന​ൽ​കി​യ​ത്. തു​ട​ർ​ന്ന്​ ഇ​രു​വ​രും കൂ​ടി​ക്കാ​ഴ്ച ന​ട​ത്തി. ഇ​രു രാ​ജ്യ​ങ്ങ​ളും ത​മ്മി​ലു​ള്ള ച​രി​ത്ര​പ​ര​മാ​യ ബ​ന്ധ​ങ്ങ​ളും എ​ല്ലാ മേ​ഖ​ല​ക​ളി​ലും അ​വ വി​ക​സി​പ്പി​ക്കാ​നു​ള്ള വ​ഴി​ക​ളും അ​വ​ർ അ​വ​ലോ​ക​നം ചെ​യ്തു. സാ​മ്പ​ത്തി​ക ബ​ന്ധ​ങ്ങ​ളു​ടെ ശ​ക്തി​യെ പ്ര​ശം​സി​ക്കു​ക​യും പ്ര​ത്യേ​കി​ച്ച് മു​ൻ​ഗ​ണ​നാ മേ​ഖ​ല​ക​ളി​ൽ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​​ന്റെ​യും സ്വ​കാ​ര്യ മേ​ഖ​ല​ക​ൾ ത​മ്മി​ലു​ള്ള പ​ങ്കാ​ളി​ത്തം കെ​ട്ടി​പ്പ​ടു​ക്കു​ന്ന​തി​ന് പി​ന്തു​ണ ന​ൽ​കു​ന്ന​തി​​ന്റെ​യും വി​വി​ധ മേ​ഖ​ല​ക​ളി​ലെ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​ന് ‘സൗ​ദി വി​ഷ​ൻ 2030’ഉം ​ഇ​ന്തോ​നേ​ഷ്യ​യു​ടെ ‘ഗോ​ൾ​ഡ​ൻ വി​ഷ​ൻ 2045’ഉം ​ന​ൽ​കു​ന്ന അ​വ​സ​ര​ങ്ങ​ൾ മു​ത​ലെ​ടു​ക്കു​ന്ന​തി​​ന്റെ​യും പ്രാ​ധാ​ന്യ​ത്തെ​ക്കു​റി​ച്ചും ഇ​രു​വ​രും ധാ​ര​ണ​യാ​യി.ക​ഴി​ഞ്ഞ അ​ഞ്ച് വ​ർ​ഷ​ത്തി​നി​ടെ ഏ​ക​ദേ​ശം 31,50 കോ​ടി ഡോ​ള​റി​ലെ​ത്തി​യ ഉ​ഭ​യ​ക​ക്ഷി വ്യാ​പാ​ര നി​ല​വാ​ര​ത്തെ ഇ​രു​വ​രും പ്ര​ശം​സി​ച്ചു. ഇ​ത് സൗ​ദി​യെ ഇ​ന്തോ​നേ​ഷ്യ​യു​ടെ പ്ര​മു​ഖ വ്യാ​പാ​ര പ​ങ്കാ​ളി​യാ​ക്കി മാ​റ്റി. വ്യാ​പാ​ര​ത്തി​ന്റെ തോ​ത്​ വ​ർ​ധി​പ്പി​ക്കു​ന്ന​തി​നു​ള്ള സം​യു​ക്ത ശ്ര​മ​ങ്ങ​ൾ തു​ട​രു​ന്ന​തി​​ന്റെ​യും പൊ​തു, സ്വ​കാ​ര്യ മേ​ഖ​ല​ക​ളി​ലെ ഉ​ദ്യോ​ഗ​സ്ഥ​ർ ത​മ്മി​ലു​ള്ള പ​ര​സ്പ​ര സ​ന്ദ​ർ​ശ​ന​ങ്ങ​ൾ ശ​ക്ത​മാ​ക്കു​ന്ന​തി​ന്റെ​യും അ​വ​സ​ര​ങ്ങ​ൾ പ്ര​യോ​ജ​ന​പ്പെ​ടു​ത്തു​ന്ന​തി​നും അ​വ​യെ മൂ​ർ​ത്ത​മാ​യ പ​ങ്കാ​ളി​ത്ത​ങ്ങ​ളാ​ക്കി മാ​റ്റു​ന്ന​തി​നു​മാ​യി സൗ​ദി-​ഇ​ന്തോ​നേ​ഷ്യ​ൻ ബി​സി​ന​സ് കൗ​ൺ​സി​ൽ വ​ഴി ഇ​രു രാ​ജ്യ​ങ്ങ​ളും ത​മ്മി​ൽ ബി​സി​ന​സ് പ​രി​പാ​ടി​ക​ൾ ന​ട​ത്തു​ന്ന​തി​​ന്റെ​യും പ്രാ​ധാ​ന്യം ഇ​രു​പ​ക്ഷ​വും ചെയ്തു . ഇ​രു​രാ​ജ്യ​ങ്ങ​ളും ലോ​ക​വും നേ​രി​ടു​ന്ന സാ​മ്പ​ത്തി​ക വെ​ല്ലു​വി​ളി​ക​ളെ ത​ര​ണം ചെ​യ്യാ​ൻ ബ​ഹു​മു​ഖ അ​ന്താ​രാ​ഷ്​​ട്ര സ​ഹ​ക​ര​ണം യാ​ഥാ​ർ​ഥ്യ​മാ​ക്കു​ന്ന​തി​ന്​ അ​ന്താ​രാ​ഷ്​​ട്ര നാ​ണ​യ നി​ധി, ലോ​ക ബാ​ങ്ക്, ഇ​സ്​​ലാ​മി​ക് വി​ക​സ​ന ബാ​ങ്ക് എ​ന്നി​വ​യു​ൾ​പ്പെ​ടെ​യു​ള്ള അ​ന്താ​രാ​ഷ്​​ട്ര സം​ഘ​ട​ന​ക​ളി​ൽ ത​ങ്ങ​ൾ ത​മ്മി​ലു​ള്ള സ​ഹ​ക​ര​ണം വ​ർ​ധി​പ്പി​ക്കേ​ണ്ട​തി​ന്റെ ആവിശ്യവും ചർച്ച വിഷയമായി .
ഐ​ക്യ​രാ​ഷ്​​ട്ര​സ​ഭ, ഇ​സ്​​ലാ​മി​ക് സ​ഹ​ക​ര​ണ സം​ഘ​ട​ന, ഗ്രൂ​പ്പ് ഓ​ഫ് ട്വ​ൻ​റി, ചേ​രി​ചേ​രാ പ്ര​സ്ഥാ​നം എ​ന്നി​വ​യു​ൾ​പ്പെ​ടെ​യു​ള്ള അ​ന്താ​രാ​ഷ്​​ട്ര സം​ഘ​ട​ന​ക​ളി​ലെ പൊ​തു താ​ൽ​പ​ര്യ​മു​ള്ള വി​ഷ​യ​ങ്ങ​ളി​ൽ ഏ​കോ​പ​നം വ​ർ​ധി​പ്പി​ക്കു​ന്ന​തി​നു​ള്ള ആവശ്യകതയും കൂടിക്കാഴ്ചയിൽ ചർച്ചയായി .