മസ്കറ്റ്: സൗത്ത് ഇന്ത്യയുടെ വാനമ്പാടി എന്ന് അറിയപ്പെടുന്ന, അന്തരിച്ച ഗായിക പ്രതിഭ എസ്. ജാനകി അമ്മയുടെ സ്മരണയ്ക്കായി ഭവാലയ ആർട്ട് & കൾച്ചർ ഫൗണ്ടേഷന്റെ ആഭിമുഖ്യത്തിൽ “മലരേ മൗനമാ” എന്ന പേരിൽ സംഗീതസന്ധ്യ സംഘടിപ്പിച്ചു.ഇന്ത്യയിലും ഒമാനിലും സാംസ്കാരിക പ്രവർത്തനങ്ങൾ നടത്തി ഭവാലയ ഫൗണ്ടേഷൻ 16 വർഷങ്ങൾ പൂർത്തിയാക്കുന്ന വേളയിലാണ് ഈ അനുസ്മരണ പരിപാടി സംഘടിപ്പിച്ചത്. പരിപാടിയിൽ ഭാവാലയ ഫൗണ്ടേഷൻ സ്ഥാപകനും ചെയർമാനുമായ ഡോ. ജെ. രത്നകുമാർ ആമുഖ പ്രസംഗം നടത്തി. പിന്നീട് ഗായകരും ഭാവാലയ കോർ കമ്മിറ്റി അംഗങ്ങളും ചേർന്നു ജാനകി അമ്മയുടെ ചിത്രത്തിൽ പുഷ്പാർച്ചന ചെയ്തു . ജാനകി അമ്മയുടെ ഏറ്റവും ജനപ്രീതി നേടിയ ഗാനങ്ങളിൽ ഒന്നായ “മലരേ മൗനമാ” എന്ന പേരിൽ ഒരുക്കിയ ഈ സംഗീത പരിപാടിയിൽ നിരവധി സംഗീതാസ്വാദകരും പ്രമുഖരും പങ്കെടുത്തു.
ആസ്വാദകരെ വിസ്മയിപ്പിച്ച ഗാനങ്ങൾ: മസ്കറ്റിലെ പ്രമുഖരായ പതിനൊന്ന് ഗായകർ—അർച്ചന വിജയകുമാർ, ദീപ്തി രാജേഷ്, ധന്യ കൃഷ്ണദാസ്, സ്മൃതി രാകേഷ്, ഉല്ലാസ് ചെറിയാൻ, ബൈജു സ്വർഗചിത്ര, ശശി നായിക്, ബീന അനില്കുമാര്, മാലതി ഭാസ്കർ, അശ്വതി, മണികണ്ടൻ—ജാനകി അമ്മയുടെ ഹിറ്റ് ഗാനങ്ങൾ വേദിയിൽ അവതരിപ്പിച്ചു.സംഘാടനം: ഗ്ലോബൽ ഇവന്റ്സ് ആണ് പരിപാടി നിയന്ത്രിച്ചത്. ഒമാൻ യുണൈറ്റഡ് ഇൻഷുറൻസ് കമ്പനി, ഇൻഷുറൻസ് സർവീസ് സെന്റർ എന്നിവർ പരിപാടിക്ക് പിന്തുണയേകി.പിന്തുണയും സാങ്കേതിക സഹായവും: ശ്രീ. സജിയാണ് സൗണ്ട് എൻജിനീയറിങ് കൈകാര്യം ചെയ്തത്. അർച്ചന വിജയകുമാർ മ്യൂസിക്കൽ കോർഡിനേഷനും ഗംഗേഷ് വടക്കേതിൽ ടെക്നിക്കൽ കോർഡിനേഷനും നിർവഹിച്ചു. ഭവാലയ സെക്രട്ടറി അരുൺ മേലേതിൽ, എക്സിക്യൂട്ടീവ് അംഗം ശ്രീമതി അനിത രാജൻ എന്നിവർ ജനറൽ കോർഡിനേഷന് നേതൃത്വം നൽകി.
പരിപാടി മികച്ച രീതിയിൽ അവതരിപ്പിച്ച അവതാരക ശ്രീമതി വിദ്യ റാണി, പിന്തുണ നൽകിയ ഗ്ലോബൽ ഇവന്റ്സിന്റെ ശ്രീമതി അതിര ഗിരീഷ് എന്നിവർക്ക് പ്രത്യേക നന്ദി രേഖപ്പെടുത്തി. ചടങ്ങിൽ വിവിധ മാധ്യമപ്രവർത്തകരും പ്രമുഖ വ്യക്തികളും സംബന്ധിച്ചു.ഭവാലയ എക്സിക്യൂട്ടീവ് അംഗം രാജൻ വി. കോക്കൂരി ഔദ്യോഗികമായി നന്ദി രേഖപ്പെടുത്തി. കലയെയും സംസ്കാരത്തെയും പ്രോത്സാഹിപ്പിക്കുന്നതിനും കലാകാരന്മാർക്ക് ഇത്തരത്തിലുള്ള മികച്ച വേദികൾ ഒരുക്കുന്നതിനും കാണിക്കുന്ന നേതൃത്വത്തിന് ഭവാലയ ചെയർമാൻ ഡോ. ജെ. രത്നകുമാറിന് അദ്ദേഹം പ്രത്യേക നന്ദി അറിയിച്ചു. തുടർന്ന് നടന്ന സ്നേഹവിരുന്നോടെ പരിപാടി സമാപിച്ചു.
